Verkefni
Vind- og sólarlausnir fyrir orkuskipti í sjóflutningum.
WHISPER er evrópskt nýsköpunarverkefni sem Verkís leiðir og miðar að því að þróa og prófa einingaskiptar tæknilausnir sem hægt er að setja upp í skip sem þegar eru í rekstri. Markmiðið er að draga úr eldsneytisnotkun og losun gróðurhúsalofttegunda frá kaupskipaflotanum.
WHISPER sameinar 13 samstarfsaðila víðs vegar um Evrópu við þróun og prófun á þremur tæknilausnum fyrir orkuskipti í sjóflutningum:
Lausnirnar eru hannaðar með endurbætur á núverandi skipum í huga og er áhersla lögð á að hægt sé að samþætta tæknina við núverandi skip með lágmarksbreytingum.
Verkís leiðir verkefnið og ber ábyrgð á verkefnastjórn og fjölbreyttum tæknilegum þáttum, meðal annars kerfissamþættingu, lífsferilsgreiningu (LCA), loftaflfræðilegum hermunum og ráðgjöf á sviði sjálfbærni.
Mikilvægur hluti verkefnisins er að prófa tæknilausnirnar við raunverulegar rekstraraðstæður. Í ágúst 2026 hófust sjóprófanir á tveimur skipum. Um borð í Maria Topic, Ultramax-magnflutningaskipi Ant. TOPIC, eru prófuð OceanWings-vængsegl ásamt Solbian-sólarsellum. Um borð í Helgafelli, gámaskipi Samskipa, eru prófaðir SideWind-vindorkugámar ásamt Solbian-sólarsellum.
Sjóprófanirnar munu veita mikilvægar upplýsingar um virkni, stýringu og afköst tækninnar við raunverulegar aðstæður, auk þess sem metinn verður mögulegur eldsneytissparnaður, áreiðanleiki og samþætting lausnanna við daglegan rekstur skipanna.
Minni eldsneytisnotkun á lausaflutningaskipum
Minni eldsneytisnotkun á gámaskipum
Af losun CO₂ á heimsvísu kemur frá sjóflutningum
Sjóflutningar eru stór hluti alþjóðlegra vöruflutninga og draga þarf úr losun frá skipaflotanum til að ná markmiðum um orkuskipti og minni losun gróðurhúsalofttegunda.
Ein helsta áskorunin er að þróa lausnir sem hægt er að setja upp í skip sem þegar eru í rekstri, án umfangsmikilla breytinga á skipunum eða þess að skerða öryggi, áreiðanleika og sveigjanleika í rekstri.
Sem leiðandi aðili WHISPER leiðir Verkís alþjóðlegt samstarf um þróun og prófun á einingaskiptum lausnum fyrir núverandi skip.
Verkefnið sameinar vind- og sólarorkutækni og kannar hvernig hægt er að samþætta þessar lausnir við núverandi skip. Verkís kemur að verkefninu með verkefnastjórn, kerfissamþættingu, lífsferilsgreiningu, loftaflfræðilegum hermunum og sérfræðiþekkingu á sjálfbærni og orkuskiptum.
WHISPER er nú komið á mikilvægt stig þar sem tæknilausnirnar eru prófaðar í fullum skala við raunverulegar rekstraraðstæður.
Sjóprófanir um borð í Maria Topic og Helgafelli munu gefa verkefninu verðmæt gögn um frammistöðu, áreiðanleika og möguleika tækninnar til að draga úr eldsneytisnotkun og losun.
Með verkefninu tekur Verkís þátt í alþjóðlegu samstarfi um þróun hagnýtra lausna fyrir orkuskipti í sjóflutningum og mögulega innleiðingu þeirra í núverandi skipaflota.
WHISPER er styrkt af rannsókna- og nýsköpunaráætlun Evrópusambandsins, Horizon Europe, og stendur til ársloka 2026.
Verkefnið í hnotskurn
Staðsetning:
Evrópa
Verktími:
2023 – 2026
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
