Verkefni
Verkís kom að gerð umhverfisyfirlýsinga fyrir tvær malbikstegundir Malbikunarstöðvarinnar Höfða, Hylit 11 og Hylit 16.
Verkefnið fól í sér lífsferilsgreiningu á vörunum, gerð og uppsetningu EPD-yfirlýsinga ásamt samskiptum við óháðan vottunaraðila.
Verkís hafði umsjón með ferlinu frá upphafi til enda í nánu samstarfi við Malbikunarstöðina Höfða. Um er að ræða heitblandaðar malbikstegundir sem innihalda steinefni, bik og önnur íblöndunarefni ásamt 10–20% endurunnu malbiki.
Verkís framkvæmdi lífsferilsgreiningar (LCA) fyrir báðar vörurnar, tryggði að viðeigandi kröfum og stöðlum væri fylgt, sá um gerð og uppsetningu EPD-yfirlýsinganna og annaðist samskipti við vottunaraðila þar til útgáfuferlinu lauk.
EPD-yfirlýsingarnar hafa verið yfirfarnar og staðfestar af óháðum þriðja aðila og eru aðgengilegar á EPD Hub. Þær veita hönnuðum, verkkaupum og öðrum hagaðilum staðlaðar og gagnsæjar upplýsingar um umhverfisáhrif malbikstegundanna yfir lífsferil þeirra.
EPD-yfirlýsingar
Lífsferilsgreiningar
Aukin áhersla á umhverfisáhrif byggingarvara og kröfur um gagnsæjar og samanburðarhæfar upplýsingar kalla á vandaða og staðlaða greiningu á umhverfisáhrifum. Fyrir Hylit 11 og Hylit 16 þurfti að greina lífsferil vöranna, tryggja samræmi við viðeigandi alþjóðlega staðla og undirbúa gögn fyrir óháða yfirferð og vottun.
Verkís stýrði öllu EPD-ferlinu í samstarfi við Malbikunarstöðina Höfða. Verkefnið fól í sér gagnasöfnun, lífsferilsgreiningu (LCA), úrvinnslu og framsetningu niðurstaðna, gerð EPD-yfirlýsinga og samskipti við óháðan vottunaraðila. Verkís tryggði jafnframt að unnið væri samkvæmt viðeigandi stöðlum og kröfum.
Tvær vottaðar umhverfisyfirlýsingar fyrir Hylit 11 og Hylit 16 eru nú aðgengilegar á EPD Hub. Með þeim liggja fyrir staðlaðar og gagnsæjar upplýsingar um umhverfisáhrif vöranna sem geta nýst við hönnun, innkaup og ákvarðanatöku í byggingar- og mannvirkjagerð.
Verkefnið í hnotskurn
Staðsetning:
Höfði, Ísland
Stærð:
10-20% endurunnið malbik
Verktími:
2026
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
