Enska
Danska
Verkefni
Skólpdælustöð við Naustavog
Stöðin tekur við af eldri dælustöð við Gelgjutanga en verkið felst í gerð þriggja framkvæmda útboða og fjögurra efnisútboða.
Verkís annast alla undirliggjandi fullnaðarhönnun sem og gerð útboðsgagna.
Yfirlit verkefnis
Verkefnið felst meðal annars í hönnun og gerð útboðsgagna, burðarþolshönnun, dæluval og lagnahönnun, hönnun á rafmagns- og stjórnkerfum, hönnun á spennistöð, hönnun á fráveitukerfi frá Vogabyggð til dælustöðvar og útfærslu og skipulagningu á niðurrifi dælustöðvarinnar við Gelgjutanga.
Dælustöðin verður byggð til hliðar við núverandi sniðræsi sem er sjálfrennandi Ø1200 steinsteypt lögn sem liggur að dælustöðinni við Gelgjutanga. Leggja þarf nýtt ræsi til þess að beina rennslinu inn í nýju stöðina, en stöðin mun dæla skólpinu um Ø1800 þrýstilögn undir sjávarálinn og í djúpan móttökubrunn á bakkanum fjær. Þaðan verður lögð sjálfrennslislögn Ø1200 að lögnum við núverandi dælustöð sem verður síðan rifin. Loks kemur DN250 sjálfrennslislögn sem leiðir skólp frá hluta Vogabyggðar yfir í nýju dælustöðina samhliða þrýstilögninni. Sambyggð dælustöðinni verður spennistöð sem þjónar stöðinni, ásamt fyrirhugaðri skólabyggingu ásamt annarri starfsemi.
BIM-lýsing verkefnisins:
Verkefnið er unnið samkvæmt BIM aðferðafræðinni. Hönnun miðast við hlutbundna hönnun sem unnin er í BIM360 og gerð er árekstrargreining við núverandi og nýtt kerfi. Verkefnið er allt unnið í BIM360. Þar er skilað inn líkönum í þrívídd, teikningum og skjölum. Árekstrargreiningar eru gerðar samhliða hönnun og samræming fagsviða leyst á samræmingarfundum. Öll ytri rýni fer fram í BIM360.
3
Framkvæmdaútboð
4
Efnisútboð
200Ø
Þrýstilögn undir sjávarál
Áskorunin
Verkefnið felur í sér flókna uppbyggingu fráveitukerfis á þéttbýlu og ört vaxandi svæði þar sem tengja þarf nýja dælustöð við núverandi fráveitukerfi og jafnframt undirbúa niðurrif eldri stöðvar. Sérstök áskorun felst í lagnaleiðinni undir sjávarálinn, samræmingu margra veitukerfa og samþættingu nýrra innviða við núverandi kerfi.
Lausnin okkar
Verkís annast alla undirliggjandi fullnaðarhönnun og gerð útboðsgagna. Verkefnið nær meðal annars yfir burðarþolshönnun, dæluval og lagnahönnun, rafmagns- og stjórnkerfi, spennistöð, fráveitukerfi frá Vogabyggð og skipulagningu niðurrifs eldri dælustöðvar.
Hönnunin er unnin í BIM360 þar sem þrívíddarlíkön, teikningar og skjöl eru samræmd á einum vettvangi. Árekstrargreiningar fara fram samhliða hönnun og samræming fagsviða fer fram í sameiginlegu BIM-umhverfi.
Niðurstaðan
Ný skólpdælustöð mun bæta fráveituinnviði á svæðinu og taka við af eldri dælustöð við Gelgjutanga. Með nýrri dælustöð, tengingum við Vogabyggð og nýrri þrýstilögn verður skapaður traustur grunnur fyrir fráveitukerfi svæðisins og áframhaldandi uppbyggingu þess.
Verkefnið í hnotskurn
Staðsetning:
Naustavogur, Reykjavík
Stærð:
Ø1800
Verktími:
2019 – 2025
Skoðaðu verkefnin okkar
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
Heimsmarkmið
