Verkefni
Mikil fólksfjölgun hefur verið á Árborgarsvæðinu síðustu ár og því var þörf á auknum afköstum með nýrri dælustöð Selfossveitna.
Við hönnun á stöðinni var miðað við fjórar dælur en lagt upp með að ein dæla sé alltaf til vara.
Samanlagður er vatnsforði nýja og gamla hitavatnsgeymisins allt að átta klukkustundir miðað við núverandi notkun, en eldri geymirinn dugði einn um sig aðeins í þrjár til fjórar klukkustundir.
Með nýju stöðinni hefur orðið gríðarleg breyting á vinnuumhverfi frá því sem áður var. Byggt var nýtt hús yfir stöðina með öflugri loftræsingu og milligangur yfir í núverandi skrifstofuhúsnæði, þar sem eldri dælustöð var.
Verkís hannaði nýju dælustöðina sem og heitavatnsgeymi fyrir stöðina, ásamt því að forrita stjórnbúnað og gangsetja stöðina. Verkís sá einnig um deiliskipulag vegna framkvæmdarinnar og hönnun lóðar Selfossveitna og áhaldahúss sveitarfélagsins Árborgar. Þá sér Verkís einnig um skipulagningu á stofnæðum Selfossveitna að og frá dælustöðinni auk skipulagningu lagna og strengja annarra stofn- og dreifiveitna sem eiga lagnir um lóðina.
Dælur í nýrri dælustöð
Samanlagður vatnsforði
Fólksfjölgun og aukin eftirspurn eftir heitu vatni á Árborgarsvæðinu skapaði þörf fyrir meiri afkastagetu og aukið rekstraröryggi Selfossveitna. Jafnframt þurfti að bæta vinnuumhverfi við dælustöðina og samþætta nýja mannvirkið við núverandi innviði og lagnakerfi á lóðinni.
Verkís hannaði nýja dælustöð og heitavatnsgeymi og sá um forritun stjórnbúnaðar og gangsetningu stöðvarinnar. Einnig var hannað nýtt hús yfir dælustöðina með öflugri loftræsingu.
Verkís annaðist jafnframt deiliskipulag framkvæmdarinnar, hönnun lóðar Selfossveitna og áhaldahúss Árborgar og skipulagningu stofnæða Selfossveitna að og frá dælustöðinni. Þá var tekið tillit til lagna og strengja annarra stofn- og dreifiveitna sem liggja um lóðina.
Ný dælustöð og heitavatnsgeymir auka afkastagetu og rekstraröryggi Selfossveitna og tryggja meiri vatnsforða en áður. Með verkefninu var jafnframt skapað betra og öruggara vinnuumhverfi fyrir starfsfólk og lagður grunnur að áframhaldandi uppbyggingu veitukerfisins í takt við vöxt svæðisins.
Verkefnið í hnotskurn
Staðsetning:
Austurvegur 67, Selfossi
Stærð:
600 l/s, 4.500 tonn
Verktími:
2017 – 2020
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
