Verkefni
Framkvæmdir við Arnarnesveginn, sem er milli Rjúpnavegar og Breiðholtsbrautar, og þau fjölmörgu tengdu verk halda áfram á fullri ferð.
Í samhljómi við hlutverk Verkís að byggja upp samfélög og samkvæmt Samgöngusáttmálanum, eru markmiðin við framkvæmdum við Arnarnesveginn margþætt.
Umferðaröryggi vegfaranda mun aukast og ferðatími þeirra styttast ásamt því að umferðarálag um Vatnsendaveg mun minnka fyrir þá tæplega 15 þúsund íbúa Kópavogs austan Reykjanesbrautar. Auk þess mun viðbragðstími neyðaraðila í efri byggðum Kópavogs og Reykjavíkur verða enn betri.
Verkís hefur stýrt þeim verkefnum sem koma að þessari framkvæmd ásamt því að sjá um veghönnun, brúarhönnun, samgöngutækni, jarðtækni, lýsingarhönnun, landslagshönnun og gerð útboðsgagna. Einnig verður unnið við lagningu hitaveituæðar, hljóðdeyfigarða, götulýsingu o.fl.
Eðli framkvæmdanna kallar á samsetningu af sérfræðingum frá ýmsum áttum innan Verkís þar sem að auk fyrrgreinda framkvæmda verða einnig byggðar akstursbrú, undirgöng, hringtorg, stofnstígur og tvær göngu- og hjólabrýr. Önnur brúin fer yfir Arnarnesveg og hin verður við Dimmu, sem er nafnið á þessum hluta Elliðaáa. Sú síðarnefnda, sem var forhönnuð ásamt Úti Inni arkitektum í samstarfi við Vegagerðina og Reykjavíkurborg, verður lágreist trébrú sem fellur vel inn í umhverfið með góðu aðgengi fyrir alla. Hún mun bæta samgöngur töluvert þar sem gamla vatnsveitustokksbrúin sem stendur þar núna er í besta falli óþarfa hraðahindrun og í versta falli beinlínis hættuleg.
Lengd vegar
Göngu- og hjólabrýr
Framkvæmdir við Arnarnesveg fela í sér umfangsmiklar og fjölbreyttar samgöngubætur á svæði þar sem mikilvægt er að tryggja aukið umferðaröryggi, stytta ferðatíma og draga úr umferðarálagi á Vatnsendavegi. Jafnframt þarf að tryggja greiðar og öruggar samgöngur fyrir gangandi og hjólandi vegfarendur og gott aðgengi að svæðinu fyrir neyðaraðila.
Verkís hefur stýrt verkefnum tengdum framkvæmdinni og veitt fjölbreytta sérfræðiþjónustu, meðal annars við veghönnun, brúarhönnun, samgöngutækni, jarðtækni, lýsingu, landslag og útboðsgögn. Verkefnið felur einnig í sér hönnun akstursbrúar, undirganga, hringtorga, stofnstígs og tveggja göngu- og hjólabrúa. Þá kemur Verkís að hönnun hitaveituæðar, hljóðdeyfigarða og götulýsingar.
Sérstök áhersla er lögð á lágreista trébrú yfir Dimmu sem fellur vel að umhverfinu og tryggir gott aðgengi fyrir alla.
Arnarnesvegur mun bæta umferðaröryggi, stytta ferðatíma og draga úr umferðarálagi á Vatnsendavegi. Framkvæmdin bætir jafnframt tengingar fyrir gangandi og hjólandi vegfarendur og eykur aðgengi neyðaraðila að efri byggðum Kópavogs og Reykjavíkur.
Verkefnið í hnotskurn
Staðsetning:
Arnarnesvegur
Stærð:
1,9 kílómetri
Verktími:
2021 –
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
