Skip to content

Verkefni

Laufskálavarða

Í þjónustuhúsinu er ólíkum notkunarmöguleikum tvinnað saman á fáum fermetrum.

Þar er salernisaðstaða, þvottaaðstaða, útsýnispallur, hvíldarbekkur og aðstaða fyrir hjólreiðafólk.



Yfirlit verkefnis

Áningarstaðurinn Laufskálavarða er þjónustuhús og útivistaraðstaða þar sem ólíkum notkunarmöguleikum er tvinnað saman á fáum fermetrum. Húsið þjónar ferðalöngum á svæðinu og býður meðal annars upp á salernisaðstöðu, þvottaaðstöðu, útsýnispall, hvíldarbekk og sérstaka aðstöðu fyrir hjólreiðafólk.

Verkefnið var unnið með það að markmiði að skapa vandaðan og fjölnota áningarstað sem fellur vel að landslagi og umhverfi. Mikil áhersla var lögð á umhverfisvænt efnisval og að byggingin yrði í góðu samspili við náttúrulegt umhverfi staðarins.

Verkís sá um alla verkfræðilega hönnun byggingarinnar, sem Stáss arkitektar teiknuðu. Hönnun lýsingar innan húss og utan var unnin í samstarfi Verkís og Stáss. Landslagsarkitektar Verkís hönnuðu einnig lóðina, þar á meðal bílastæði, stéttir umhverfis húsið og göngustíga á svæðinu

Framkvæmdin var fjármögnuð af Sönnum landvættum, sem einnig fengu styrk úr Framkvæmdasjóði ferðamanna til uppgræðslu á skemmdum á svæðinu og uppbyggingar bílastæðis.

Áskorunin

Áskorunin fólst í að koma fyrir fjölbreyttri þjónustu og aðstöðu á litlu rými án þess að byggingin yrði fyrirferðarmikil í landslaginu. Jafnframt þurfti að huga að tengslum hússins við útisvæði, bílastæði og göngustíga og tryggja að heildarhönnunin félli vel að umhverfinu.

Lausnin okkar

Verkís sá um alla verkfræðilega hönnun byggingarinnar og tók jafnframt þátt í hönnun lýsingar í samstarfi við Stáss arkitekta. Landslagsarkitektar Verkís hönnuðu lóðina og tryggðu heildstæða tengingu milli húss, bílastæðis, stétta og göngustíga.

Umhverfisvænt efnisval og samspil byggingar og landslags voru höfð að leiðarljósi í hönnuninni. Þannig varð til þjónustuhús sem sameinar margvíslega notkun á litlu rými en heldur jafnframt hóflegu yfirbragði í náttúrulegu umhverfi.

Niðurstaðan

Laufskálavarða er fjölnota áningarstaður sem sameinar þjónustu fyrir ólíka ferðalanga og góða aðstöðu til hvíldar og útivistar. Verkefnið hefur einnig hlotið viðurkenningu fyrir hönnun sína. Árið 2022 var áningarstaðurinn tilnefndur til Hönnunarverðlauna Íslands og árið 2021 valdi Archilovers verkefnið eitt af verkefnum ársins fyrir fagurfræði, sköpun og notkunarmöguleika.


Verkefnið í hnotskurn

Staðsetning:


Við Laufskálavörðu á Mýrdalssandi


Stærð:


30 fermetrar


Verktími:


2018 – 2019


Þjónusta Verkís




Skoðaðu verkefnin okkar

Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.



Heimsmarkmið