Þjónusta
Sérfræðingar Verkís hafa langa reynslu af vinnu við smávirkjanir og veita ráðgjöf á öllum stigum ferlisins.
Síðustu ár hafa margir landeigendur hér á landi velt fyrir sér hvort mögulegt og hagkvæmt sé að virkja ár og læki á jörðum þeirra.
Sumir vilja tryggja að þeir hafi rafmagn ef raforkukerfið gefur sig, aðrir vilja lækka rafmagnsreikninginn og þá vilja einhverjir afla sér tekna með því að selja rafmagn inn á kerfið.
Jafnvel þó að á eða lækur sé til staðar er misjafnt hversu hagkvæmt er að virkja rennslið. Áður en farið er í kostnaðarsama framkvæmd er því skynsamlegt að kanna hagkvæmni. Áætla þarf rennsli árinnar, meta fallhæð, kanna tengimöguleika og meta umhverfisáhrif.
Til þess að byggja smávirkjun þarf að fara í gegnum ákveðið ferli í kerfinu sem getur verið flókið, þekki maður ekki til. Þar koma sérfræðingar Verkís sterk inn og sjá til að mynda um allar undirbúningsrannsóknir, forathugun og frumhönnun, matskyldufyrirspurn og leigu, rekstur og uppsetningu á mælibúnaði.
Við erum hokin af reynslu þegar kemur að smávirkjunum og tryggjum bestu mögulegu útkomu fyrir verkkaupa.
Íslandskort með smávirkjunum (10 MW) sem Verkís hefur komið að
Smávirkjanaúttekt á Vestfjörðum
Leiðbeiningar Orkustofnunar fyrir smávirkjanir
Stefán Bjarnason
Byggingarverkfræðingur / Viðskiptastjóri
Svið: Orka og iðnaður
sb@verkis.is
Unnar Númi Almarsson
B.Sc. í umhverfis- og byggingarverkfræði
Svið: Orka og iðnaður
una@verkis.is
