Heildstæð úttekt á smávirkjanakostum

Markmið úttektarinnar var að kanna hvort þörf væri á að stofna sjóð fyrir smávirkjanir á Vestfjörðum, sem hefði það hlutverk að styðja við fyrstu skref rannsókna og auka möguleika á uppbyggingu smávirkjana á svæðinu.

Við úttektina voru áður skoðaðir virkjunarkostir teknir saman og skráðir, vatnasvið Vestfjarða voru kortlögð og helstu forsendur mögulegra virkjana metnar. Niðurstöður skýrslunnar geta nýst við að meta hvaða virkjunarkostir á Vestfjörðum eru hagkvæmastir.

Uppbygging smávirkjana getur orðið mikilvægur þáttur í að mæta aukinni raforkuþörf á Íslandi, enda fer fækkandi í stærri virkjunarkostum. Smávirkjanir geta jafnframt stuðlað að auknu orkuöryggi á landsbyggðinni og stutt við landbúnað og aðra atvinnustarfsemi um land allt. Með smávirkjun er hér átt við virkjun með allt að 10 MW uppsett afl.

Áskorunin

Aukin eftirspurn eftir endurnýjanlegri raforku skapar tækifæri til að nýta betur staðbundnar vatnsauðlindir og styrkja orkuöryggi á landsbyggðinni. Áskorunin var að finna og meta vænlegustu möguleika til smávirkjana á Vestfjörðum og leggja grunn að frekari sjálfbærri orkuuppbyggingu.

Lausnin okkar

Verkís vann heildstæða úttekt á möguleikum til smávirkjana á Vestfjörðum. Farið var yfir áður skilgreinda virkjunarkosti, vatnasvið svæðisins kortlögð og tæknileg og hagkvæmni mögulegra virkjunarkosta metin.

Jafnframt var lagt mat á þörf fyrir sérstakan sjóð sem gæti stutt við rannsóknir og þróun virkjunarkosta á fyrstu stigum.

Niðurstaðan

Úttektin veitir stefnumótandi grundvöll fyrir forgangsröðun smávirkjanakosta á Vestfjörðum og greinir þá kosti sem hafa mesta hagkvæmni.

Verkefnið styður þannig við aukna nýtingu endurnýjanlegrar orku, bætt orkuöryggi á landsbyggðinni og sjálfbæra atvinnu- og byggðaþróun.