Verkefni
Verkís kemur að hönnun nýrrar menningar- og safnamiðstöðvar á Sauðárkróki sem verður sameiginlegur vettvangur lista, fræða og samfélags í Skagafirði.
Verkís er undirráðgjafi Arkís arkitekta og sinnir fjölbreyttri verkfræðiþjónustu við hönnun hússins, þar á meðal burðarvirki, lagnakerfi og loftræsingu, rafkerfi og lýsingu, brunatækni og hljóðvist.
Markmið verkefnisins er að skapa lifandi og aðlaðandi menningarhús sem verður miðstöð fjölbreyttrar menningarstarfsemi á Sauðárkróki. Í húsinu verða sýningarsalir, bókasafn, listasafn, byggðasafn og skjalasafn, auk fjölnota salar fyrir myndlistarsýningar, sviðslistir og aðra menningarviðburði.
Í húsinu verða einnig sérhönnuð varðveislurými sem uppfylla kröfur ríkisins um aðbúnað opinberra safna. Við hönnun er lögð áhersla á hagkvæmni, gæði og umhverfislega ábyrgð, auk þess sem byggingin fellur vel að landslagi Flæðanna á Sauðárkróki.
Verkefnið er unnið í kjölfar hönnunarsamkeppni þar sem Arkís arkitektar hlutu fyrstu verðlaun. Auk Verkís og Arkís taka Landhönnun og Brekke & Strand Akustikk þátt í hönnunarteyminu.
Gert er ráð fyrir að menningarhúsið verði tekið í notkun fyrir árslok 2027.
Að skapa fjölnota menningar- og safnamiðstöð sem getur sameinað ólíka starfsemi – frá safnastarfi og varðveislu menningarverðmæta til sýninga, sviðslista og samfélagsviðburða. Húsið þarf jafnframt að uppfylla strangar tæknilegar kröfur og tryggja góða upplifun gesta og starfsfólks.
Verkís kemur að hönnun hússins á fjölmörgum sviðum verkfræði, þar á meðal burðarvirkjum, lagnakerfum og loftræsingu, rafkerfum og lýsingu, brunatækni og hljóðvist. Sérstök áhersla er lögð á góða hljóðvist, orkunýtingu og tæknilega útfærslu sem styður við fjölbreytta notkun byggingarinnar.
Ný menningar- og safnamiðstöð mun skapa nýjan sameiginlegan vettvang fyrir menningu, listir og fræði í Skagafirði. Með samþættri hönnun arkitekta og verkfræðinga verður lögð áhersla á gæði, hagkvæmni, sjálfbærni og góða upplifun notenda.
Gert er ráð fyrir að húsið verði tekið í notkun fyrir árslok 2027 og verði um leið mikilvægur menningarlegur innviður fyrir Sauðárkrók og Skagafjörð.
Verkefnið í hnotskurn
Staðsetning:
Sauðárkrókur, Skagafirði
Verktími:
2025 – 2027
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
