Enska
Danska
Verkefni
Í varmadælustöðinni er sjór nýttur sem varmagjafi fyrir hitaveitu HS Veitna.
Stöðin annar um 93% árlegrar varmaorku til húshitunar í Vestmannaeyjum.
Yfirlit verkefnis
Sjótökuholur eru í niðurgröfnum borholukjallara við norðurgafl stöðvarinnar og brunni í norðausturhorni lóðar. Holurnar eru 40 metra djúpar og vatnsborð í þeim er á um átta metra dýpi.
Sjór úr holunum kólnar úr 6 til 11°C í 2 til 3°C í stöðinni og er kældur sjórinn nýttur af fiskvinnslu og útgerð. Sjór frá stöðinni sem ekki er nýttur af fiskvinnslu rennur til sjávar norðan við Eiðið. Með tilkomu varmadælustöðvarinnar er rafmagnsnotkun hitaveitunnar um þriðjungur af því sem áður var.
Byrjað var að leggja dreifikerfi hitaveitu í Eyjum árið 1976 og var meirihlutinn af bænum kominn með hitaveitu upp úr 1980. Í upphafi var varmi úr hrauninu frá Heimaeyjargosinu árið 1973 nýttur sem varmagjafi fyrir veituna. Varmi frá hrauninu nýttist fyrir hitaveituna í um 10 ár eftir að því lauk árið 1973.
Hönnuðir stöðvarinnar eru Verkís og Arkitektastofan OG.
700m²
Heildar stærð
40m
Dýpt sjótökuhola
Áskorunin
Markmiðið var að þróa hagkvæma og áreiðanlega hitaveitulausn fyrir Vestmannaeyjar með því að nýta sjávarhita sem endurnýjanlegan orkugjafa. Jafnframt þurfti að tryggja nægilegt afl fyrir hitaveituna og draga úr raforkunotkun miðað við fyrra fyrirkomulag.
Lausnin okkar
Verkís kom að hönnun nýrrar varmadælustöðvar sem nýtir sjó úr 40 metra djúpum holum sem varmagjafa. Sjávarhitinn er nýttur í varmadælum til að framleiða varma fyrir hitaveitu Vestmannaeyja, en kældi sjórinn er jafnframt nýttur í fiskvinnslu og útgerð þar sem kostur er.
Verkís sá um fjölbreytta hönnun og ráðgjöf við verkefnið, þar á meðal frum- og verkhönnun, hönnunarstjórnun, útboðsgögn, kostnaðar- og framkvæmdaáætlanir, lokahönnun, brunahönnun og hljóðvist.
Niðurstaðan
Nýja varmadælustöðin nýtir endurnýjanlega orku úr sjó til hitunar og hefur dregið verulega úr raforkunotkun hitaveitunnar. Raforkunotkunin er nú um þriðjungur af því sem hún var áður, á sama tíma og kældi sjórinn getur nýst í atvinnustarfsemi á svæðinu.
Verkefnið er gott dæmi um hvernig nýting staðbundinna orkugjafa og markviss verkfræðihönnun geta stuðlað að hagkvæmari, sjálfbærari og orkunýtnari hitaveitu.
Verkefnið í hnotskurn
Staðsetning:
Hlíðarvegur, Vestmannaeyjar
Stærð:
700 fermetrar
Verktími:
2011 – 2019
Skoðaðu verkefnin okkar
Kynntu þér hvernig við höfum aðstoðað viðskiptavini við að leysa flóknar tæknilegar, umhverfislegar og rekstrartengdar áskoranir með nýstárlegum verkfræðilausnum og stefnumótandi ráðgjöf á fjölbreyttum mörkuðum.
Heimsmarkmið
