Glerárvirkjun

Stíflan samanstendur af yfirfalli, botnrás og inntaksmannvirki en til sitt hvorrar hliðar eru fyllingarstíflur með steyptum þéttivegg. Yfirfallið er 12 metra langt með bogalaga formi að ofan. Botnrásin er 2×1,5 metrar að stærð og er lokað með vökvastýrðri botnrásarloku. Inntaksmannvirkið samanstendur af inntaksþró og lokahúsi. Vatninu er veitt um inntaksrist inn í inntaksþróna þaðan sem það fer um rörbrotsloka sem staðsettur er í lokahúsi og þaðan inn í þrýstipípuna.

Verkís sá um gerð aðalteikninga fyrir mannvirkið og umsókn byggingarleyfis. Einnig sá Verkís um gerð útboðsganga og alla deilihönnun mannvirkjanna.