Jarðvarmavirkjanir

Við leggjum áherslu á nýtingu auðlinda

Verkís býr yfir víðtækri þekkingu á tækni og einkennum jarðvarma sem byggist á reynslu og vitneskju um verkefni við mismunandi aðstæður. Lausnir okkar taka mið af umhverfi, rekstraröryggi, öryggi starfsmanna og hámarki nýtingu auðlinda.

Burðarþolshönnun skipar einnig stóran sess, enda er hönnun þrýstihylkja og varmaspennuhönnun pípukerfa veigamikill þáttur í hönnun tækjabúnaðar sem þarf við nýtingu jarðhita.

Fyrirtækið hefur yfir að ráða mikilli þekkingu á þessu sviði og hefur tekið þátt í undirbúningi, hönnun eða framkvæmd allra slíkra virkjana í landinu.

Verkís spilar lykilhlutverk á sviði jarðvarmavirkjana, en jarðvarmi er einn af mikilvægustu endurnýjanlegu orkukostunum sem fyrirfinnast í dag. Þekking á nýtingu jarðvarma til raforkuvinnslu hefur byggst hratt upp á Íslandi síðustu ár og horfa aðrar þjóðir til okkar þegar kemur að jarðvarmavirkjunum. Við byggjum á reynslunni og höldum ótrauð áfram að bæta við okkur þekkingu á sviði jarðvarma í takt við tímana.