Verkís á NORDROCS ráðstefnunni 2024

Við erum stolt að segja frá því að Erla Guðrún Hafsteinsdóttir, Umhverfis- og jarðefnafræðingur hjá Verkís, var einn af aðalfyrirlesurum á NORDROCS ráðstefnunni 2024. Erla hélt erindi sitt, “Contaminated Land Industry in Iceland – where do we stand and where are we heading?”, þar sem hún lýsti áskorunum mengaðra svæða á Íslandi og þeim tækifærum sem framundan eru til að þróa greinina enn frekar.

Ráðstefnan, sem haldin er annað hvert ár, sameinar yfir 330 sérfræðinga frá 15 löndum. Hún býður upp á vettvang þar sem vísindamenn, ráðgjafar, verktakar og opinberir aðilar geta miðlað þekkingu og eflt samstarf á sviði hreinsunar mengaðra staða.

Verkís átti fjóra fulltrúa á ráðstefnunni, og við erum ánægð með að hafa tekið þátt í vel heppnaðri ráðstefnu, skapað ný tengsl og fengið innsýn í nýjustu strauma í greininni.

Þetta var níunda NORDROCS ráðstefnan frá upphafi hennar árið 2006, og við hlökkum til að leggja okkar af mörkum til frekari framfara á þessu mikilvæga sviði á komandi árum.

Heimsmarkmið