Sjálfbærni- og árangursskýrsla Verkís 2025 er komin út

Yfirlit yfir starfsemi, áherslur og árangur ársins

Sjálfbærni- og árangursskýrsla Verkís fyrir árið 2025 er komin út. Í skýrslunni er farið yfir starfsemi fyrirtækisins, helstu áherslur í sjálfbærnimálum og lykilþætti sem tengjast umhverfi, samfélagi og stjórnarháttum.

Skýrslan veitir jafnframt innsýn í hvernig Verkís vinnur að því að samþætta sjálfbærni í eigin rekstur og þjónustu, auk þess sem fjallað er um verkefni þar sem sjálfbærni skiptir meginmáli.

Byggt á mikilvægisgreiningu

Umfjöllunarefni skýrslunnar byggja á niðurstöðum mikilvægisgreiningar Verkís og endurspegla þá sjálfbærniþætti sem fyrirtækið telur mikilvægustu fyrir starfsemi sína og hagaðila.

Tölulegar upplýsingar eru að mestu leyti framsettar með hliðsjón af GRI-stöðlum og við útreikninga á kolefnisspori er fylgt viðmiðum Greenhouse Gas Protocol.

Fjallað um starfsemi, þjónustu og loftslagsmál

Í skýrslunni er meðal annars fjallað um:

• Starfsemi Verkís
• Stefnu og þjónustu fyrirtækisins
• Kolefnisspor Verkís og aðgerðir í loftslagsmálum
• Áherslu á starfsfólk, heilbrigt vinnuumhverfi og jafnrétti
• Verkefni þar sem sjálfbærni skiptir meginmáli

Skýrslan dregur þannig saman helstu upplýsingar um starfsemi fyrirtækisins á árinu og varpar ljósi á þau viðfangsefni sem tengjast sjálfbærni og ábyrgum rekstri.

Skoðaðu skýrsluna

Sjálfbærni- og árangursskýrsla Verkís 2025 er aðgengileg hér á vefnum.

Skoðaðu skýrsluna hér.

Heimsmarkmið