Áskoranir og tækifæri í jarðvarmalausnum
![Áskoranir og tækifæri í jarðvarmalausnum](https://www.verkis.is/wp-content/uploads/2024/06/449096271_869485318547079_2198691475441639980_n.jpg)
Colorado-Iceland Clean Energy Summit: Áskoranir og tækifæri í jarðvarmalausnum.
Fimmtudaginn 20. júní sl. fór fram ráðstefnan Colorado-Iceland Clean Energy Summit í Denver, Colorado. Eyþór Sigurðsson, vélaverkfræðingur hjá Verkís, tók þátt í pallborðsumræðum undir yfirskriftinni: „The Geothermal District Heating System in Iceland: Is that an option for Colorado at large scale?“
Eyþór fjallaði um sögu íslenskra hitaveitna, áskoranir við þróun þeirra og tækninýjungar eins og öxuldælur. Hann ræddi einnig mismunandi kerfi hitaveitna á Íslandi, frá hefðbundnum kerfum til lokaðra kyndistöðvakerfa og hraunveitna.
![Áskoranir og tækifæri í jarðvarmalausnum](https://www.verkis.is/wp-content/uploads/2024/06/448843711_869483551880589_4648509443406569057_n-450x299.jpg)
Niðurstaðan úr umræðunum var að Colorado getur komið á fót hitaveitukerfi líkt og Ísland, en slík framkvæmd er langtímaverkefni sem íslendingar geta aðstoðað við.
Ráðstefnan var vel sótt og var samstarfsverkefni sendiráðsins í Washington, Íslandsstofu/Green by Iceland, Colorado-fylkis, orkuskrifstofu Colorado og Denver-borgar. Markmiðið var að deila þekkingu og reynslu í jarðvarmanýtingu og kolefnislausnum og stofna til tengsla milli íslenskra og bandarískra aðila.