Verkís á Autodesk DevCon 2026

Gervigreind og sjálfvirknivæðing í forgrunni á alþjóðlegri ráðstefnu

Ólafur Daníel Jónsson og Péter Farkas, fulltrúar Verkís, sóttu Autodesk DevCon 2026 sem haldin var í síðustu viku. Ráðstefnan er ein helsta samkoma þróunaraðila og tæknisérfræðinga sem vinna með lausnir Autodesk og var áherslan í ár einkum á gervigreind, sjálfvirknivæðingu og stafræna þróun.

Tækni framtíðarinnar í sögulegu umhverfi

Ráðstefnan fór fram í hinni sögufrægu kauphöll Beurs van Berlage í Amsterdam, sem skapaði áhugaverðan kontrast við umfjöllun um nýjustu tæknilausnir. Þar komu saman sérfræðingar víðs vegar að úr heiminum til að miðla þekkingu og ræða þróun í byggingar-, samgöngu- og innviðageiranum.

Virk þátttaka og nýtt podcast

Fulltrúar Verkís sóttu fjölmarga fyrirlestra og tóku virkan þátt í dagskránni. Péter Farkas tók þátt í hackathon-viðburði sem haldinn var í aðdraganda ráðstefnunnar, en þeir Ólafur og Péter tóku jafnframt þátt í nýju hlaðvarpi Next in Transportation sem fer í loftið á næstunni. Þar er fjallað um þróun og framtíð samgöngulausna.

Sterk tengsl við alþjóðlegt þróunarsamfélag

Þátttaka í viðburðum á borð við Autodesk DevCon 2026 er liður í því að styrkja þekkingu og tengsl Verkís við alþjóðlegt samfélag sérfræðinga. Slík tengslamyndun og innsýn í nýjustu tækni styður við áframhaldandi þróun þjónustu og lausna fyrirtækisins.

Heimsmarkmið