Verkís á Verk og vit 2026

Verkís tekur þátt í stórsýningunni Verk og vit sem fram fer í Laugardalshöll dagana 19. – 22. mars.

Verkís verður með bás á svæði C50, þar sem starfsfólk mun taka vel á móti gestum alla sýningardagana, miðla áralangri þekkingu og reynslu, ásamt því að kynna spennandi nýjungar.

Á básnum mun gestum gefast tækifæri til að sjá og setja saman útprentað þrívíddarlíkan af varnargörðunum í Grindavík. Einnig geta þeir fræðst um sjálfvirkar sjónlausnir sem meðal annars eru notaðar við lengdarmælingu sæsnigla, úrlestur röntgentækja hjá LSH og lestur bílnúmera í tengslum við sjálfvirkar lausnir fyrir bílastæði og aðgangsstýringar.

Verk og vit er haldin í sjöunda sinn þetta árið og hefur Verkís tekið þátt frá upphafi. Verk og vit er vettvangur til að sjá allt það nýjasta í byggingariðnaði, mannvirkjagerð og skipulagsmálum.

Opnunartími sýningar:

Fimmtudagur, 19. mars        16:00-20:00
Föstudagur, 20 mars             10:00-19:00
Laugardagur, 21. mars          11:00-17:00
Sunnudagur, 22. mars           12:00-17:00

Sjá allt um sýninguna á vefsíðu Verk og vit.

Heimsmarkmið