Jarðhitafélag Íslands í heimsókn hjá Verkís

Fimmtudaginn 26. febrúar síðastliðinn tók Verkís á móti félagsmönnum Jarðhitafélags Íslands í höfuðstöðvum fyrirtækisins að Ofanleiti 2 í Reykjavík. Góð mæting var á viðburðinn og sköpuðust líflegar og faglegar umræður um jarðvarmamál og þróun verkefna á sviði orku.

Fjögur erindi frá sérfræðingum Verkís

Starfsmenn Verkís fluttu fjögur erindi þar sem varpað var ljósi á starfsemi fyrirtækisins og valin jarðvarmaverkefni:

• Kynning á starfsemi Verkís – Eyþór Sigurðsson, viðskiptastjóri jarðvarma á orkusviði
• Toppvél Þeistareykjum – Bjarni Steinar Gunnarsson, vélaverkfræðingur á orkusviði
• Hitaveita Dalabyggð – Einar Benediktsson, vél- og orkutæknifræðingur á orkusviði 
• Bein nýting jarðvarma – Þorleikur Jóhannesson, vélaverkfræðingur á orkusviði

Í erindunum var farið yfir bæði tæknilegar áskoranir og lausnir, auk þess sem rætt var um þróun og framtíðarsýn í nýtingu jarðvarma hér á landi.

Að erindum loknum var boðið upp á léttar veitingar og gafst þátttakendum gott tækifæri til að halda áfram samtali og efla tengsl innan greinarinnar.

Verkís þakkar Jarðhitafélagi Íslands kærlega fyrir komuna og góða samveru.