Efnaöryggi

Örugg meðhöndlun og notkun efna

Efnaáhættumat. Gerð áhættumats við meðhöndlun og geymslu efna. Verkís metur áhættu sem getur skapast við meðhöndlun, geymslu og notkun efna og efnavara. Áhættumatið hjálpar til við að draga úr hættu á slysum og tryggir öryggi starfsfólks og umhverfis.

Merkingar fyrir efnavörur. Til að forðast slys af völdum efna og efnavara er framleiðendum og innflytjendum skylt að flokka og merkja vöruna til að tryggja örugga notkun hennar. Flokkunin byggir á áhrifum efna á heilsu, eðliseiginleika þeirra og áhrifum á umhverfið. Út frá flokkuninni eru gerðar kröfur um merkingar, umbúðir, notkun og sölu efnisins.

Gerð öryggisleiðbeininga. Öryggisblöð (SDS) eru staðlaðar upplýsingar sem veita mikilvægar leiðbeiningar um örugga meðhöndlun, geymslu og flutning efna.

Efnaþol vísar til þess hvernig efni og búnaður þola snertingu við mismunandi efni án þess að skemmast eða missa eiginleika sína. Þetta er sérstaklega mikilvægt í iðnaði þar sem efni komast í snertingu við sýrur, basa, leysiefni og önnur ætandi efni.