Bolvíkingar tóku nýjan leikskóla í notkun
Bolvíkingar tóku nýjan leikskóla í notkun. Glaðheimar, leikskóli Bolungarvíkur, var opnaður í nýju og endurbættu húsnæði í byrjun ágúst eftir sumarfrí nemanda og starfsfólks. Verkís sá um hönnun á burðarvirkjum, lögnum og raflögnum, vann verklýsingu, magntöluskrá og kostnaðaráætlun vegna stækkun á leikskólanum.
Nýbyggingin er 307 m² og stendur við Hlíðarstræti í Bolungarvík. Fyrir opnun nýbyggingarinnar var skólinn að hluta til í húsnæði á lóðinni við Hlíðarstræti og að hluta í Lambhaga.
Nú standa yfir endurbætur á eldra húsinu við Hlíðarstræti en að þeim loknum verður aðstaðan í Lambhaga lögð niður og verður öll starfsemi Glaðheima við Hlíðarstræti, í eldra húsi og nýbyggingunni.
Enn á eftir að ljúka frágangi á nýbyggingunni að utan og klæða eldra húsnæðið á lóðinni.
